#MilaMilioiAhots

2021eko apirilaren 26tik 30era

Har ezazu parte Hezkuntzaren aldeko Munduko Ekintza Astean!
#MilaMilioiAhots

Zer da Hezkuntzaren aldeko Mundu Kanpaina?

GKEek, hezkuntza-arloko sindikatuek, ikastetxeek eta askotariko gizarte-mugimenduek osatutako nazioarteko koalizioa gara, eta aldarrikapen argi batekin mobilizatzen gara: oso-osorik bete daitezela estatuek sinatutako nazioarteko konpromisoak, munduko pertsona guztiek kalitatezko hezkuntza eskuragarri izan dezaten.

Hezkuntzaren Aldeko Mundu Kanpaina (HMK) 2000. urtean sortu zen, helburutzat hartuta, batetik, herritarrak hezkuntza-eskubidearen bozeramaile eta ekintzaile gisa sentsibilizatzea eta mobilizatzea, eta bestetik, ordezkari politikoengan eragitea, hezkuntza-eskubidearekiko konpromisoak bete ditzaten.

Gure manifestu politikoa ezagutu nahi duzu?

Zer da HAMA?

Astebetez, hezkuntza-eskubidea bermatzearen alde lan egiten dugun 124 herrialde baino gehiago mobilizatu egiten gara, hezkuntza-komunitatearen, komunikabideen, gizarte osoaren eta, bereziki, ordezkari politikoen arreta geureganatzeko, mundu osoan kalitatezko hezkuntza izateko eskubidea benetakoa eta eraginkorra izan dadin eta, hala, 2030 Agendako Garapen Jasangarrirako 4. helburua bete dadin: Hezkuntza inklusiboa, ekitatiboa eta kalitatezkoa bermatzea.

Aurten, #HAMA2021 ekintza-astean, “Mila milioi ahots” goiburupean jorratuko dugu zer-nolako eragina duen COVID-19aren pandemiak mila milioi pertsonaren baino gehiagoren hezkuntzan, bai eta nola ari den larriagotzen munduan pandemiaren eraginez hezkuntzaren finantzaketaren krisia.

Ayuda en Acción

#MilaMilioiAhots

Pandemiaren unerik latzenean (2020ko martxoaren amaiera eta apirilaren erdialdea bitartean), hezkuntza-zentroak itxi izanak ikasleen % 90engan izan zuen eragina, eta 1.500 milioi haur eta gazteren hezkuntza-eskubidea kaltetu zuen.

Mila milioi ikasle baino gehiago, mila milioi ahots entzuna izatea merezi duen historia batekin, eta material hauen bidez ikusgarri egin nahi ditugunak.

Deskargatu hitzaurrea hemen
Prentsa-oharraBideoak

Unitate Didaktikoak

Zenbait material didaktiko jarri ditugu ikastetxeen eskura, hezkuntza-eskubidea eta haren finantzaketa egokia bermatzearen garrantziaz sentsibilizatu eta kontzientziatu daitezen hezkuntza-komunitateak. Aurten, emozioen gaian oinarrituta landuko dugu.

Mobilizazio-jarduera

#MilaMilioiAhots kanpainak ekintza global baten bidez mobilizatzera animatzen gaitu, inoizko hezkuntza-krisi premiazkoenari aurre egiteko. Espainian, aukera ona da hezkuntza-komunitateak eta herritarrek bat egin dezaten eta hezkuntzaren finantzaketa egokia aldarrika dezaten.

Unitate didaktikoan aurkeztutako proposamen hezigarriak ikasgelan edo bestelako hezkuntza-eremu ez-formaletan landu ondoren egingo da mobilizazio-jarduera.

Deskargatu hemenManifiestua